هەواڵنامەی مانگانە

ڕاستاندنی ( تصدیق ) بەڵگەنامەکان

ڕاستاندن (تصدیق) ڕێکارێکە کە ڕەوایەتی مۆر و واژۆ لەسەر بەڵگەنامەیەک پشتڕاست دەکاتەوە، جا لەلایەن حکومەتەوە دەرچووبێت یان لەدەرەوەی حکومەتەوە. بۆ ئەوەی بەڵگەنامەکان بەهای یاساییان هەبێت و پەسندبکرێن لە دامودەزگاکانی حکومەتی هەرێمی کوردستان، پێویستە ڕاستاندنیان بۆ بکرێت لە نووسینگەی نوێنەرایەتی حکومەتی هەرێمی کوردستان.

ئەو بەڵگەنامانەی کە نوێنەرایەتی حکومەتی هەرێمی کوردستان ڕاستاندن ( تەسدیق ) یان بۆ دەکات : 

• بەڵگەنامەی هاوسەرگیری
• بەڵگەنامەی لەدایکبوون
• بەڵگەنامەی کۆچی دوایی (وەفاتنامە)
• وەرگێڕدراوی ناسنامەی باری شارستانی (هویە احوال مدنیە) و ڕەگەزنامەی عێراقی (جنسیە)، بەمەرجێک لە یەکێک لە پارێزگاکانی هەرێمی کوردستان دەرچووبێت
• بەڵگەنامەی تۆماریی کۆمپانیاکان
• وەڕگێردراوی مۆڵەتی شۆفێری (هاژوشتن)، بەمەرجێک لە یەکێک لە پارێزگاکانی هەرێمی کوردستان دەرچووبێت
• بڕوانامەکان، بە مەرجێک پێشتر لەبەشی یاسایی وەزارەتی دەرەوەی فەرەنسا و کونسوڵخانەی عێراق لە پاریس ڕاستاندنی بۆ کرابێت

ڕێکار و هەنگاوەکان :

بۆ ڕاستاندنی بەڵگەنامەکان، پێویستە داواکار سەردانی ئۆفیسی نوێنەرایەتی حکومەت بکات. هەر بەڵگەنامەیەک کە بە زمانێکی بیانی نووسرابێت، دەبێت کۆپیەکی وەرگێڕدراوی لەگەڵدا بێت بۆ زمانی فەرەنسی کە لەلایەن وەرگێڕێکی سوێندخواردووەوە (باوەرپێکراو) ئەنجامدرابێت و دەبێت پێش دەستپێکردنی پرۆسەی ڕاستاندنەکە ئەنجام بدرێت. دوای دڵنیابوونەوە لە دروستی بەڵگەنامەکان، نوێنەرایەتی حکومەتی هەرێمی کوردستان ڕاستاندی بەڵگەنامەکان بۆ داواکار ئەنجام دەدات.

تێچووی راستاندن (بۆ هەر بەڵگەنامەیەک):

- ٥٠ یۆرۆ بۆ بەڵگەنامەی رێکخراوەیی و دەستە و کۆمەڵەیی
- ١٥٠ یۆرۆ بۆ بەڵگەنامەی بازرگانی (تۆماریی کۆمپانیاکان)
- بێ بەرامبەر بۆ بەڵگەنامەی تاکەکەسی (بڕوانامەی هاوسەرگیری، بڕوانامەی لەدایک بوون، بڕوانامەی خوێندن یان خولی ڕاهێنان و هتد)

تێبینی : 

١- بۆ بەڵگەنامە فەرەنسییەکان، نوێنەرایەتی حکومەتی هەرێمی کوردستان تەنها ڕاستاندن بۆ ئەو بەڵگەنامانە دەکات کە پێشتر لەلایەن وەزارەتی دەرەوەی فەرەنسا ڕاستاندنیان بۆ کراوە.

٢- ئەو هاونیشتیمانیانەی کە بەڵگەنامەکانیان تەنها ئاراستەی پارێزگاکانی ناوخۆی هەرێمی کوردستان دەکەن بەمەبەستی راپەڕاندنی کارەکانیان، نەک لە پارێزگاکانی دیکەی عێراق، پێویستیان بە ڕاستاندنی بەڵگەنامەکانیان نیە لە باڵیۆزخانەی عێراق لە پاریس.