هەواڵنامەی مانگانە

ئەنیستیوتی کوردی لە پاریس لە مانگی شوباتی ١٩٨٣ دامەزراوە و دامەزراوەیەکی کلتوری سەربەخۆیە، یەکێک لە ئامانجە سەرەکییەکانی پەیمانگای کوردی لە پاریس ناساندنی زمان و سامانی کلتوری کوردییە بە کۆمەڵگەی فەرەنسی ، جگە لەوە هەوڵی کۆکردنەوە و گونجاندنی رەوەندی کوردی دەدات لەگەڵ کۆمەڵگەی فەرەنسی.

ئەنیستیوتی کوردی لە ساڵی ١٩٩٣ بە بڕیاری سەرۆکوەزیرانی ئەوکاتی فەرەنسا وەک دامەزراوەیەکی سوودبەخش لەپێناو بەرژەوەندی گشتی ناسێنرا ، هەیکەلی کارگێری پەیمانگای کوردی لە پاریس لە ١٢ کەس پێکدێت کە چواریان نوێنەرانی حکومەتی فەرەنسین و پێکدێن لە نوێنەرانی هەریەکە لە وەزارەتەکانی (رۆشنبیری ، پەروەردە ، کارووباری کۆمەڵایەتی و وەزارەتی ناوخۆ)ی حکومەتی فەرەنسا.
ئەنیستیوتی کوردی لە پاریس لە دامەزراندنیەوە تاوەکو ئێستا خزمەتێکی زۆری بە کلتور و هونەر و تەواوی کایەکانی دیکە بە کورد کردووە و بەگشتی یەکێکە لەو دامەزراوانەی کە خزمەتێکی بەرچاوی بە دۆزی کورد لەهەرچوار پارچەی کوردستان کردووە ، لە رووی سیاسی و مرۆیی و کلتوری و خوێندن و هتد..... پەیمانگاکە ساڵانە چەند بۆرسێکی خوێندن بۆ ژمارەیەک لە خوەندکارانی کورد دابین دەکات بۆئەوەی بتوانن لەزانکۆکانی فەرەنسا درێژە بەخوێندن بدەن.


سەرۆکی ئەنیستیوتی کوردی لە پاریس :
بەرێز کەنداڵ نەزان

ماڵپەری ئەنیستیوتی کوردی لە پاریس